नमो शेतकरी महासन्मान निधी 7वा हप्ता लवकरच खात्यात!
महाराष्ट्र सरकारने सुरू केलेल्या ‘नमो शेतकरी महासन्मान निधी योजने’च्या सातव्या हप्त्याबाबत सध्या राज्यभरातील शेतकऱ्यांमध्ये उत्सुकता वाढली आहे. PM किसान सन्मान योजनेच्या धर्तीवर राज्य शासनाने सुरू केलेली ही योजना सध्या चर्चेचा विषय ठरत आहे.
नमो शेतकरी योजना म्हणजे काय?
राज्य शासनाने केंद्र सरकारच्या ‘PM किसान सन्मान निधी’ योजनेच्या आधारावर ‘नमो शेतकरी महासन्मान निधी योजना’ सुरू केली आहे. या योजनेतून राज्यातील पात्र शेतकऱ्यांना दरवर्षी ₹6000 दिले जातात, तेही तीन हप्त्यांमध्ये (प्रत्येकी ₹2000) थेट बँक खात्यात जमा होतात.
आतापर्यंत किती हप्ते मिळाले?
सध्या या योजनेअंतर्गत सहा हप्ते पात्र शेतकऱ्यांना मिळाले आहेत. यंदाही PM किसान योजनेचा हप्ता २ ऑगस्ट २०२५ रोजी जमा झाला असून, त्यानंतर सुमारे ९-१० दिवसांत नमो शेतकरी योजनेचाही हप्ता येतो, असं पॅटर्न आहे.
7वा हप्ता केव्हा मिळणार?
विश्वसनीय सूत्रांनुसार, बैलपोळा २०२५ (25 ऑगस्ट आसपास) च्या दिवशी 7वा हप्ता खात्यात जमा होण्याची शक्यता आहे. जर त्या दिवशी पैसे आले नाहीत, तर ऑगस्ट अखेरीस तरी हप्ता येईल, अशी अपेक्षा व्यक्त केली जात आहे.
किती शेतकऱ्यांना मिळणार लाभ?
या सातव्या हप्त्याचा लाभ सुमारे ९६ लाख पात्र शेतकऱ्यांना मिळणार असून, यासाठी ₹1900 कोटी रुपयांचा निधी लागणार आहे. राज्य सरकारकडून यासाठी तयारी सुरू आहे.
अद्याप अधिकृत घोषणा नाही
सद्यस्थितीत या योजनेच्या सातव्या हप्त्याबाबत कोणतीही अधिकृत घोषणा सरकारकडून झालेली नाही. त्यामुळे शेतकरी वर्ग हप्त्याच्या प्रतीक्षेत आहे. लाभ मिळण्यासाठी शेतकऱ्यांचे PM किसान आणि आधार KYC अपडेट असणे आवश्यक आहे.
📌 निष्कर्ष
‘नमो शेतकरी महासन्मान निधी योजना’ शेतकऱ्यांसाठी आर्थिक आधार बनली आहे. 7वा हप्ता लवकरच खात्यात जमा होईल, अशी शक्यता असून, शेतकऱ्यांनी अधिकृत घोषणेसाठी लक्ष ठेवावे.